CONCEPCION, ILOILO – Wala na sang kabuhi sang nasapwan samtang nagabitay sa sulod sang kwarto ang 20 anyos nga solterito sa Concepcion, Iloilo.
Sa interview sang Bombo Radyo kay Police Major Jonah Galicha, hepe sang Concepcion Municipal Police Station, iya ginpahayag nga problema sa paghigugma ang ginalantaw nga rason sang paghikog sang biktima.
Suno kay Galicha, may nakita nga text messages sa cellphone sang biktima nga makapamatuod sang pagbulagay nila sang iya kahagugma.
Ginpahayag ni Galicha nga kumbinsido ang pamilya nga naghikog ang 20 anyos nga solterito gamit ang lubig nga ginhikot sa balayan sang kwarto.
Una diri, gintuktok sang iya ginikanan sa kwarto ang solterito apang bangud nga wala sang may nagasabat, ila nga ginguba ang pwertahan kag didto natukiban ang mayami nga bangkay sang biktima.
