Ginkumpirma sang Department of Migrant Workers (DMW) nga dal-on papuli sa Pilipinas sa gasto sang gobyerno ang 200 overseas Filipino workers kasunod sang serye sang mga pagpang-atake sa Riyadh, Saudi Arabia.
Suno kay DMW Secretary Hans Leo Cacdac, ang Overseas Workers Welfare Administration (OWWA) ang magahatag sang pamasahe sa mga Pilipino tubtob nga magabalik sa normal ang commercial flights halin sa Riyadh pakadto sa Manila.
“We will assist those needing to go home through the repatriation services for OFWs affected by the cancellations of Riyadh to Manila flights, under the AKSYON and Emergency Repatriation Funds,” suno kay Cacdac.
Madumduman nga ginkanselar ang flights halin Manila pakadto Riyadh lakip ang Philippine Airlines (PAL) kag Cebu Pacific bangod sang nagapadayon nga tensyon sang Saudi Arabia kag Houthi sa Yemen.
Suspendido ang flights sang PAL tubtob Nobyembre 29, 2026 samtang ang Cebu Pacific naman tubtob Oktubre 23, 2026.
