Ginalauman nga magaabot sa Pilipinas subong nga adlaw ang ikatatlo nga batch sang mga overseas Filipino workers (OFWs) nga i-repatriate halin sa Israel bangud sa epekto sang gyera.
Suno sa Department of Foreign Affairs (DFA), 25 ka Filipinos ang magabalik diri sa pungsod paagi sa Etihad Airways kag ginalauman nga magaabot sa Ninoy Aquino International Airport (NAIA)-Terminal 3 karon sa hapon.
Photo: Ph Embassy in Israel
17 sa ila ang caregivers kag walo ang hotel workers suno sa Overseas Workers Welfare Administration (OWWA).
Kun matandaan sang Oktubre 18 sang una nga nagbalik sa Pilipinas ang una nga batch sang repatriates nga ginabug-usan sang 15 ka caregivers, isa ka hotel worker, kag isa ka bulan nga lapsag.
Sang Oktubre 20 naman, may 18 nga nag-abot kun sa diin 14 ang caregivers kag apat ang empleyado sang hotel.
Kada repatriate ang may nabaton nga financial assistance kag iban pa nga bulig halin sa gobyerno. #
