Matapos ang sunod-sunod nga linukpanay nga natabo sa sulod sang Senate Building, nag-post si Senator Bong Go sa iya social media nga nagapangabay sa publiko nga dal-un ini sa pagpangamuyo.
Suno pa sa Senador nga handom sini nga mangin matalunsay na ang sitwasyon matapos ang asud-asud nga lupok sa sulod mismo sang senate building.
Ginpahayag pa sini nga sang tion nga ato, yara sila sa sulod sang senado bangud man nga may ara sila sang meeting upod si Senate President Alan Peter Cayetano.
Sang nagtulutawhay na ang sitwasyon sa Senado kasunod man sang pag-abot ni DILG Secretary Jonvic Remulla, gilayon man nga nag-post ang Senador upod ang majority bloc nga indi na magkabalaka ang publiko bangud sa maayo na sila nga sitwasyon.
