Nagapanawagan ang isa ka grupo sang mga manunudlo sa Department of Education (DepEd) nga magduso sang mas epektibo nga mga lihok agud maprotektahan ang mga estudyante kag manunudlo batok sa posible nga malala nga epekto sang ginalauman nga Super El Niño sa pungsod.
Pahayag sang Techers’ Dignity Coalition (TDC), indi bastante nga solusyon ang simple nga pagpahanugot sa mga estudyante nga magsuksok sang presko kag kumportable nga mga panapton kaangay sang sando.
Ginapat-od sang grupo nga kinahanglan mas masangkad kag sistematiko ang mga tikang agud masiguro ang kaluwasan kag kaayuhan sang mga estudyante kag manunudlo samtang nagaka-eksperyensya sang mainit nga panahon.
Nalakip sa mga suhestiyon sang manunudlo amo ang pagpalip-ot sa oras sang klase kung kinahanglan, kag pagpatuman sang hybrid learning arrangements.
Dugang pa, ginapunto sang nasambit nga grupo nga indi lang dapat magtapos sa kun ano ang panapton nga mahimo isuksok sang mga estudyante kag manunudlo kundi sa mas long-term nga mga solusyon.
