Naka-export ang Pilipinas sang isa ka metric tons ukon 250 ka karton sang Carabao mangoes padulong sa Vancouver, Canada.
Ang Carabao mangoes nga ginaproduce kag kilala sa iya katam-is kag kalidad ang halin sa Guimaras, Zambales, Pangasinan kag Cebu.
Suno sa Department of Agriculture (DA), kabahin ini sang tikang sang gobyerno nga magbukas sang bag-o nga merkado para sa mga produkto sang mga mangunguma kag madugangan ang kita sa agrikultura.
Pahayag pa, ang shipment sa Vancouver ang nagsunod sa una nga commercial delivery sang Carabao mangoes sa Toronto sang Hunyo 3 nga naglab-ot sa 400 ka karton.
Dugang pa sang ahensya, ang padayon nga order, maayo nga presyo sang freight, kalidad kag igo nga suplay, ang magadesisyon kon mangin malawig nga merkado sang Pilipinas ang Canada.
Matandaan nga ginkilala sang Guinness World Records sang 1995 ang Philippine Carabao mango bilang pinakatam-is nga paho sa kalibutan.
