ILOILO CITY- Nagadanaw sa gihapon sa 26 ka barangay sa Iloilo City kasunod sang mamunog nga ulan bangud sa bagyo Agaton.
Sa interview sang Bombo Radyo kay Mr. Jeck Conlu, pinuno sang Public Safety and Transportation Management Office (PSTMO), iya ginpahayag nga bangud sa risgo nga dala sang tubig baha, padayon ang pagpanghatag sang City Health Office sang bulong kontra leptospirosis sa mga pumuluyo sa amo nga mga barangay.
Suno kay Conlu,activated man sa gihapon ang Iloilo City Emergency Operations Center agud magtalupangod pa sa kinahanglanon sang mga pumuluyo.
Samtang, sa bahin sang City Social Welfare and Development Office, nagpatigayon sila sang psychosocial intervention sa kabataan nga evacuees partikular sa Simon Ledesma, Jaro.
