ILOILO – Naglab-ot sa 29 ka mga drug surrenderee ang nakatapos sa drug rehabilitation sa Iloilo District Jail sa Brgy. Nanga, Pototan, Iloilo.
Sa interview sang Bombo Radyo kay Dr. Neneth Pador, pinuno sang Provincial Social Welfare and Development Office, iya ginpahayag nga sa sulod sang 10 ka bulan, ang Iloilo Provincial Government ang nagabayad sang gasto sa treatment.
Suno kay Pador, ang 29 ka persona ang wala napreso sa baylo, sila ang drug surrenderee kag nagpaidalom sa rehabilitation kag livelihood training.
Ginpahayag ni Pador nga pagkatapos sang rehabilitation, may yara man sang igahatag nga livelihood assistance sa 29 ka mga drug surenderee.
Nahibalu-an nga ang graduation ceremony sang 29 ka drug surrenderee ang ginpatigayon sa Iloilo District Jail bilang pagsunod sa mandu ni Presidente Rodrigo Duterte nga tapnaon ang illegal drugs sa pungsod.
