ILOILO – Maga umpisa na subong nga adlaw ang pagpatigayon sang 2nd International Youth Cathecism Congress sa syudad sang Iloilo nga gin organize sang YouCath Philippines bilang sabat sa hingyo sang simbahang katolika para sa evangelization sa Year of the Youth.
Sa interview sang Bombo Radyo kay Father Angelo Colada, Director sang Commission on Social Communications sang Archdiocese of Jaro iya ginpahayag nga ang nasambit nga kahiwatan ang tambungan sang 1,119 participants nagikan sa 31 ka Foreign countries sa Asia, Africa kag Europe.
Suno kay Colada, kabahin sang mga aktibidades sang YouCath Congress amo ang mga talks natuhoy sa sitwasyon sang mga pamatan-on nga igadul-ong sang pipila ka mga Obispo nga sanday Bishop Edwin Dela Peña, Bishop Lorencio, Bishop Jose Palma, Bishop Bangcod, Bishop Roberto Mallari kun sa diin may yara sang topiko nga Depression and Suicide, Drug Addiction and Alcoholism, Sexuality and Domestic Violence, Generation Gap, Fake News, Pornography kag Social Hermit. May yara man sang iban pa nga mga speakers nagikan sa Manila kag iban pa nga rehiyon sa pungsod.
Samtang isa sa mga highlight sang nasambit nga kahiwatan amo ang Callejeros Dela Fe sa nagkalain-lain nga parokya kaangay sang Jaro Cathedral, Parokya sang Mandurriao, Lapaz, Arevalo, Sta. Barbara, Sta.Maria kag Pavia kag ini ang pagahiwaton sa Nobyembre 8.
May patigayunon man nga Misa ang Apostolic Nuncio to the Philippines, Most Rev. Gabriele Giordano Caccia nga amo ang pinaka highlight sang congress.
Ang YouCath Congress ang patigayunon humalin bwas nga adlaw tubtob sa Dominggo Nobyembre 10.
Gina agda sang Archdiocese of Jaro ang mga Ilonggo nga magtambong sa YouCath Congress.
Naghingyo naman sang bulig ang simbahan nga mangamuyo para sa malinong nga pagpatigayon sang nasambit nga Congress.
