Isa ka makusog nga linog ang nagtay-og sa Panama subong nga Oktubre 10, 2026.
Base sa una nga reports, yara sa magnitude 8 ang kabaskugon sang linog.
Apang kun pagabasehan naman ang data sang Global Disaster Alert and Coordination System (GDACS), yara ini sa magnitude 7.7, samtang magnitude 7.6 naman sa report sang United States Geological Survey.
Kabahin sa mga naaepektuhan ang pila ka mga puloy-an, high-rise buildings, kag iban pa nga mga establisyamento.
Suno sa mga awtoridad, yara sa west‑southwest sang Pitaloza Arriba sa Southern Panama ang epicenter sang nasambit nga linog.
Nagpaguwa man sang Tsunami alert ukon paandam ang U.S. Geological Survey sa Panama kag sa mga kaiping sini nga pungsod.
Lakip diri amo ang Colombia, Costa Rica, Ecuador, Peru, Nicaragua, Guatemala, El Salvador, kag ang Mexico.
Kasunod sang nasambit nga linog, ginklaro man sang Philippine Institute of Volcanology and Seismology (PHIVOLCS) nga wala ini sang epekto ukon tsunami threat sa Pilipinas.
Sa subong, padayun pa nga ginamonitor ang sitwasyon sang mga pumuluyo kag sang pungsod matapos ang makusog nga linog.
