Nagtaliwan na sa edad nga 47-anyos si Brad Arnold nga founder kag lead singer sang American rock band nga 3 Doors Down.
Natabo ini siyam ka bulan matapos ginsapubliko sang singer nga na-diagnose siya nga may Stage 4 kidney cancer.
Mayo 2025 sang ginkumpirma ni Arnold nga may yara siya sang advanced-stage clear cell renal carcinoma (ccRCC)nga naglapta na sa isa sa iya lungs. Ini amo ang pinaka-common nga sahi sang kidney cancer suno sa National Cancer Institute nga ang sintomas nagalakip sang tuman nga sakit, pagniwang, kag hilanat.
Bangud sadto, ginkanselar sang 3 Doors Down ang ila plano nga 2025 summer tour.
Gintukod ang banda sang 1996 sa Escatawpa, Mississippi, kag nangin popular sang 2000 paagi sa ginsulat ni Arnold nga single nga “Kryptonite.” Lakip sa iban nila nga hits amo ang “When I’m Gone” kag “Here Without You.”
Luwas kay Arnold, yara ang bassist nga si Todd Harrell, ang lead guitar kag backup singer nga si Matt Roberts, kag sang ulihi gin-updan sila ni Chris Henderson nga amo naman ang sa rhythm guitar kag singing backup vocals.
Sang 2017, nag-perform man ang 3 Doors Down sa una nga inauguration concert ni President Donald Trump.
