Patay ang indi magnubo sa 34 ka Moroccan migrant bangud sang pagkalumos kag pagka-stampede samtang nagatabok pakadto sa Ceuta, Spain.
Suno sa report, 60,000 ka mga migrants ang naghalin sa Morocco pakadto sa Spain sa sulod lamang sang 24 ka oras.
Ginakabig ini bilang isa sa pinakamadamo nga pagdagsa sang mga migrante sa kasaysayan sang pungsod.
Suno sa Prime Minister sang Spain nga si Pedro Sanchez, may ara sang paglapas sa territorial integrity sa ila pungsod, ginbasol man sini ang mga human smuggling network nga nagtulod sa migrants sa peligroso nga pagtabok.
Nagapanawagan naman ang mga lider sang Europa sang mas hugot nga pagbantay sa mga border kag mas mapabaskog pa ang ila nga mga tikang batok sa mga human smuggling network.
Samtang, padayon naman nga nagainit ang diskusyon sa polisa sang Spain sa migration kag ginakonsiderar man sang France kag Italy ang paghugot sang ila border control.
