Pun-an sang Department of Social Welfare and Development (DSWD) ang 3,610 contractual Social Welfare Assistant (SWA) positions sa idalom sang una nga hugnat sang nationwide staffing augmentation.
Ini ang nagatuyo nga mapabakod pa ang implementasyon sang Pantawid Pamilyang Pilipino Program (4Ps).
Ginkumpirma sang Department of Budget and Management (DBM) paagi sa isa ka letter sa DSWD ang approval kag pagtukod sang amo nga mga posisyon.
Ini nga dugang nga mga personnel ang pagalaptahon sa 17 ka mga field offices sang ahensya nga ginapaabot nga makabulig sa mga benepisyaryo sang 4Ps sa paggamit sang digital nga sistema lakip ang pag-verify sang compliance, pag-update sang beneficiary information, pag-asikaso sang kinahanglanon sang pamilya, kag pag-refer sa nagakaigo nga mga serbisyo sang gobyerno.
“The staffing augmentation comes at a very timely moment as 4Ps continues to refine its systems and processes toward a more responsive, family-centered approach to program implementation, through the 4Ps Forward Digital System,” suno kay DSWD Office of Program Services and Interventions Director Atty. Mary Rose Oquindo-Pasibi.
Ang una nga tranche ang kabahin sang proposed nationwide augmentation sang DSWD sang 10,850 SWA positions nga iga-implementar sa tatlo ka mga phase.
