Ginpangalanan na sang Senado ang apat ka ginatudlo big-time smugglers sang agricultural products sa pungsod.
Suno kay Senate President Vicente Sotto III, nakakuha siya sang mga dokumento halin sa intelligence units sang Department of Agriculture (DA) kag Department of Trade and Industry (DTI) kag ang gina-alegar nga mga smuggler amo sanday Manuel Tan, Andrew Chang, kag Luz Cruz.
Yara man sa lista ang pangalan ni Mayor Democrito “Jun” Diamante sang Tuburan, Cebu nga ginaalegar smuggler sang agri-fishery products.
Si Tan suno kay Sotto ang naga-operate sa pantalan sa Subic sa Zambales, Cagayan de Oro kag Batangas, samtang si Chang naman ang naga-operate sa Subic kag Batangas ports, Manila International Container Port (MICP) kag Port of Manila.
Si Cruz amo ang “Onion Queen” kag naga-operate sa Subic, MICP, kag CDO, samtang si Diamante ang naga-operate sa CDO port.
Sang 2017, ginpangalanan na ni Sen. Panfilo Lacson si Diamante sa exposé of alleged bribery sang Bureau of Customs (BOC) officials sa idalom sang “tara” ukon payola system.
