Apat ka tawo ang ginbawian sang kabuhi matapos nagbungguanay ang truck kag multicab sa Aleosan, Cotabato.
Natabo ang trahedya kadungan sang Sabado de Gloria.
Ang mga napatay amo sanday Angela Kamensa, 21-anyos, Lukaya Adil, 43-anyos, Sambabay Andatuan, 50-anyos, kag Arshahid Adzal, 4-anyos.
29 naman ang pilason nga ginabulong pa sa ospital.
Base sa imbestigasyon, nadulaan sang kontrol ang isa ka Isuzu Elf truck sang nag-overtake ini sa isa ka motorsiklo.
Natabuan man nga may nagasugata nga multicab kag natabo ang bungguanay.
Bangud sa impact, natumba ang truck kag nagtalabog ang masobra 30 ka mga sakay sini nga pakadto kuntani sa outing.
Ang apat nga napatay ang lunsay sakay sang truck.
Padayon pa ang imbestigasyon sang otoridad angot sa insidente.
