Nagapangatubang sa subong sang lapnagon nga kakulangan sang life-saving trauma medical kits, lakip na ang mga bandage, antibiotics, kag anesthetics ang Lebanon bangud sa madamo nga nasamaran nga sibilyan bangud sa pagpang-atake sang Israel.
Suno sa World Health Oranization pila ka mga ospital ang may posibilidad nga maubosan sang suplay sang mga medical kits sa sulod sang pila ka adlaw, nga nagadala sang peligro sa kabuhi sang mga tawo kon may matabo nga isa pa ka dako nga insidente.
Ang mga bulong para sa chronic nga mga masakiton, pareho sang insulin, posible man nga maubos sa sulod sang pila ka semana tungod sang disruption sa supply chain kag pagsaka sang gasto sa delivery.
Plano sang World Health Oranization kag sang Ministry of Health sang Lebanon nga padamuon pa ang mga suplay sa mga ospital agud malikawan ang total nga pagkaubos sini, apang ang health system sang pungsod ara na sa limitasyon sang iya kapasidad.
Nahibaluan nga lapaw na sa isa ka milyon ka tawo ang nagbiya sang ila puluy-an halin sang pagsugod sang inaway sa una nga bahin sang Marso.
