BALABAG, DUMANGAS ILOILO– Istrikto ang pagpatuman sang Enhanced Community Quarantine sa Brgy. Balabag, Dumangas, Iloilo.
Sa interview sang Bombo Radyo kay Provincial Liga ng mga Barangay President Dorothy Paez, iya ginpahayag nga hugot ang pagbantay agud indi makapagusto sa pagguwa-sulod sa lugar ang mga pumuluyo.
Suno kay Paez, kinahanglan man nga ipakita ang quarantine pass sa tion nga magguwa sa balay samtang sa bahin naman sang pagpanghatag sang ayuda para sa mga apektado sang quarantine, natalana na ang paghatag sang 4th wave sang assistance.
Ginpahayag ni Paez nga ang una nga ginhatag sa pumuluyo amo ang bulig nga halin sa Local Government Unit, ang ika duha amo ang naghalin sa iya personal nga kwarta, ang ika tatlo ang naghalin sa pondo sang Barangay kag sponsorship sang isa ka Barangay Kagawad.
