Nasamaran ang pito ka mga Pilipino nga crew members sang isa ka container ship sa Strait of Hormuz matapos naigu sang drone attack sang Iran.
Suno kay Department of Migrant Workers (DMW) Hans Leo Cacdac, sa pito nga napilasan, tatlo ang nagapabilin sa intensive care unit (ICU).
Wala ginhingadlan kun sa diin sila nga ospital apang ginsiling nga gindala sila sa pungsod nga pinakamalapit sa Strait.
Safe na ang ila kondisyon suno sa ahensya apang ginapaidalom sa close monitoring.
Ang involved amo ang Maltese-flagged container ship nga CMA CGM San Antonio nga ginapahayag nga gin-atake samtang nga nagalabay ini sa Strait of Hormuz sang Martes rason nga may pagsigabong sa vessel. Sa inisyal nga impormasyon nga ginpaambit ni Cacdac, may mga paso kag nakahaklo sang gas ang mga biktima.
Ang CMA CGM amo ang ikatatlo sa pinakadaku nga container shipping line sa kalibutan kag tag-iya sang container ship.
Sa ila statement, ginkumpirma nga gindala na ang nasamaran nga seafarers para sa medical treatment.
As of press time, na-report sang DMW nga may masobra 1,300 Filipino crew members nga sakay sa lain-lain nga vessels ang safe na nga nakatabok sa Strait of Hormuz, apang may linibo ka iban pa nga yara gihapon sa Persian Gulf kag nagahulat nga makalabay sa amo nga waterway.#
