Ginsulit ni Pope Francis ang panawagan sini para sa kalinungan sa Ukraine kadungan sang Orthodox Easter weekend.

Sa isa ka pagtilipon sa St. Peter’s Square, may mga tumuluo nga nagdala sang hayahay sang Ukraine.

Pebrero 24 pa sang gin-umpisahan sang Russia ang pagsulod kag pag-atake sa Ukraine, apang suno sa Santo Papa, sa baylo nga magtawhay na subong ang sitwasyon, labi pa gid nga naglala.

Nagpabutyag man ini sang kasubo nga sa baylo sang huni sang simbahan ang mabatian agud nga i-anunsyo ang pagkabanhaw ni Hesus, mas nangibabaw ang tunog sang mga pagpatyanay kag sang ila armas nga ginagamit.

Kuntani suno kay Pope Francis, untaton na ang pagpang-atake agud nga mauntat naman ang kakapoy kag pag-antos sa tawo sa gyera sa amo nga pungsod.