Ginalauman nga magalab-ot sa 8,000 ka mga delegado ang magakadto sa Passi City Iloilo, sa pagahiwaton nga Western Visayas Regional Athletic Association (WVRAA) Meet 2026.
Sa interview sang Bombo Radyo kay Nicasio Valenzuela, Division Sports Officer, iya ginpahayag nga maga-compete ang walo ka mga division sa mga nagkalain-lain nga sports competitions nga ginalakipan sang Antique, Aklan, Capiz, Guimaras, Iloilo Province, Roxas City, Iloilo City, kag host nga Passi City.
Suno pa sa iya nga may yara sang 25 ka mga sports competetions para sa secondary levels bangud may yara sang gindugang nga sports kaangay sang weightlifting, samtang 16 ka mga events para sa elementary category, kag apat naman sa para-games.
Magasugod ang mga hinamang sa Marso 17 kag magatakop sa Marso 23.
Suno kay Valenzuela nga ila gid ginhandaan ang ini nga event kag nagapasalamat man ang mga ini bangud sa dako man nga suporta sa ila sang provincial government amo man sang ila mga Local Government Units agud matigayon ang kaangay sini nga aktibidades.
