Kumpirmado nga patay ang siyam tanan ka sakay sang isa ka private jet matapos ini nga nagtibusok sa Palm Beach County, Florida nga malapit lang sa Mar-a-Lago estate ni US President Donald Trump.
Suno sa Federal Aviation Administration (FAA), nag-crash ang Learjet 60 sa isa ka residential area malapit sa Cresthaven.
Halin sa Austin-Bergstrom International Airport sa Texas ang eroplano kag padulong sa North Eleuthera Airport sa Bahamas sang natabo ang aksidente.
Makit-an sa kuha sang dashcam ang madasig nga pagtibusok sang eroplano bag-o nagtupa sa duta kag naglupok.
Ginahibalo pa ang gintunaan sang trahedya.
