Ginkumpirma sang pamilya ni Gil Aducal Morales ukon mas kilala bilang si Ate Gay, ang iya pagtaliwan kahapon nga adlaw Nobyembre 1, 2026.
Suno sa pamilya, nagtaliwan si Ate Gay nga napalibutan sang iya mga pinalangga sa kabuhi.
Kilala si Ate Gay bilang isa ka komedyante kag impersonator sang beterana nga aktres nga si Nora Aunor.
Ginhigugma siya sang iya mga tagasuporta bangod sa iya talento sa pagpakadlaw.
Sa pihak sini, nagpaabot sang pagpasalamat ang iya pamilya sa tanan nga naghatag sang pangamuyo, paghigugma, pinansyal nga bulig kag suporta sa tion sang iya pagbalatian.
Nagpangabay man sila nga padayon nga ipangamuyo ang iya malinong nga pagpahuway.
