Nagpanawagan si Pope Leo XIV sa mga Katoliko kag sa mga tawo sa bilog nga kalibutan nga indi magkataka sa pagsagod sang kaayuhan kag pagpalangga-anay sa tanan nga tyempo.
Sa iya nga Angelus message sa St. Peter’s Square, ginpunto sang Santo Papa ang pagkabalaan indi lamang para sa pila ka tawo kundi kabigon nga isa ka bokasyon nga dapat ginapasangkad sa kabuhi.
Suno pa sa iya nga paagi sa paghimo sang mga maayo nga butang kag pagpalangga sa isig ka tawo matuman ini nga kasuguan sang Diyos.
Pahayag pa ni Pope Leo, ang pagkabalaan makit-an sa mga buluhaton nga ang ginaprayoridad amo ang pagpalangga kag kaayuhan kag indi ang kadalok, inaway kag indi maayo nga pamatasan.
Gindayaw man sini ang indi na maisip nga balaan nga lalaki kag babayi nga naghalad sang ila nga kabuhi sa Diyos kag pagbulig sa ila nga isig-katawo.
Ginpakigbahin man ni Pope Leo nga ang mga tawo nga balaan nga amo ang mapainubuson, maluluy-on, mapinatawaron kag nagalaom sang hustisya kag amo man ang nagapakigbato sang kaayuhan apisar sa mga pagpanghangkat.
Ginpunto man sang Santo Papa nga dapat padayon nga pillion sang kada isa ang pagpalangga-anay, kaayuhan kag talunsay nga pagpangabuhi sa matag-adlaw nga tanan agud nga magdaog ang kaayuhan batok sa indi maayo nga butang.
