ILOILO CITY – Nagpatigayon sang 1st Regular Meeting ang Police Regional Office (PRO) 6 kaupod ang Muslim Leaders sa Caseñas Hall, Camp Delgado, Iloilo City.
Ang nasambit nga pagsinapol ang ginpatigayon kahapon nga adlaw, Enero 31, 2019, sa diin 37 ka mga Muslim Leaders sang United Muslim Federation of Western Visayas (UMFWV) nga ginapangunahan ni Hadji Muamar Faisal Arumpac, regional chairman sang nasambit nga grupo.
Ang United Muslim Federation of Western Visayas ang isa ka asosasyon sang peace-loving Muslim communities sa Rehiyon 6 kag nagabulig sa Philippine National Police (PNP) sa pag-angkon sang kalinong kag katawhay.
Suno kay Hadji Muamar Faisal Arumpac, ginapakamalaot gid sang ila grupo ang natabo nga pagpamomba sa Jolo, Sulu.
Ginpahayag dugang ni Arumpac nga ang pagpamomba kag ang pagpatigayon sang kalakasan ang wala ginatudlo sa relihiyon nga Islam.
