Pamilya ni Fr. Chito suganob, tuman ang kalipay sa pagkahilway sini gikan sa kamot sang Maute Group

ILOILO CITY – Tuman ang kalipay sang pamilya ni Fr. Teresito “Chito” Suganob matapos marescue ini nagikan sa kamot sang Maute Group.
Sa exclusive interview sang Bombo Radyo sa tiya ni Fr. Chito nga si Gloria Larrosa Lauron sang Brgy. Maite Grande Lambunao, Iloilo, ginpahayag sini nga tuman gid ang ila pasalamat nga nahilway na nagikan sa kamot sang mga terorista si Fr. Chito.
Halin siya sa simbahan suno kay Lauron sang nabati-an sini sa Bombo Radyo ang balita tuhoy sa pagkahilway sini.
Una niya nga nabungat ang tinaga nga “Thank You, Lord” pagkabati sini sang maayong balita.
Nagalaum naman ini nga makabakasyon balik diri sa Iloilo ang hinablos nga pari, nga sa iya paglaragway tuman ka mapainubuson kag mabuot nga klase sang tawo.
Si Fr. Suganob ang Vicar General sang St. Mary’s Cathedral kag nangin bihag snag terorista nga Maute Group hlain sang Mayo 23, kaupod ang iban pa nga myembro sang ministry.