Kapitan sang fishing boat patay, crew pilason sang magbato sa Bantay Dagat

ILOILO CITy – Patay ang kapitan sang fishing boat samtang pilason naman ang crew sini matapos nagbato sa Bantay Dagat sa Concepcion, Iloilo.
Ginkilala ang napatay nga biktima nga si Vivencio Espinosa, samtang pilason naman ang anak sini nga si Junel Espinosa, lunsay residente sang Sagay City, Negros Occidental.
Sa interview sang Bombo Radyo, ginpahayag ni Provincial administrator Raul Banias nga amo ang pinuno sang Bantay Dagat, gindakop ang FB Glory of the Sea bangud sa iligal nga pagpangisda sa kadagatan sang Concepcion.
Apang nagbato ang mga crew kag ginlampusan sang kawayan ang katapo sang Bantay Dagat kag nagdangat sa agaway sang patalom kag nabuno sang pulis ang mga tripulante sang fishing boat.
Suno kay Banias, pilason man ang pila ka miyembro sang Provincial Bantay Dagat nga karon ginabulong sa Sara District Hospital.
Gintuyo pa nga pulihan sang mga himata sang biktima ang mga katapo sang Bantay Dagat.