6 pilason sa pagbunggo sang van sa puno sang kahoy sa Iloilo

ILOILO CITY – Anom ang pilason matapos makabunggo ang isa ka Toyota Hi-Ace sa puno sang magohany sa Barangay Barroc, Tigbauan, Iloilo.
Sa interview sang Bombo Radyo kay SPO2 Sandy Tijuana, imbestigador sang Tigbauan Municipal Police Station, ginpahayag sini nga napiyungan ang driver nga si Anthony Posadas Nasario, 43 anyos, sang Avanceña, Molo Iloilo City.
Suno kay Tijuana, naghalin sa banwa sang San Joaquin ang van apang napiyungan ang driver rason nga naglapaw sa pihak nga lane kag nagbunggo sa puno sang kahoy.
Madasig suno sa pulis ang dalagan sang van rason nga dako ang damage sa salakyan.
Magluwas sa driver nga naipit sa driver’s seat, lakip sa mga napilasan amo sanday Mariz Baltazar, Alex Baltazar, Ace Baltazar, Charina Nasario kag Linda Jardeleza.