Pagpangluthang sa pamilya sa Iloilo City kun sa diin 1 patay, trip lang sang suspek

ILOILO CITY – “Triping” lang sang suspetsado nga si Teofisto Sebanta ang pag-ambush sa pamilya Jalandoni sa Laguda Extension, Magsaysay Village, La Paz, Iloilo City.
Sa interview sang Bombo Radyo kay SPO3 Sherwin Servando, imbestigador sang La Paz PNP, ginpahayag sini nga wala sang madalom nga rason ang suspetsado sa pagluthang sa mga biktima.
Nahibaluan nga napatay ang biktima nga si Jesryl Jalandoni, 15-anyos, samtang pilason naman ang iya utod kag ila iloy.
Ginapahayag nga hubog si Sebanta samtang sakay sa motorsiklo sang natabo ang krimen.
Wala man sang record sa Lapaz PNP ang pamilya Jalandoni kag mangin si Sebanta.
Sa subong suno kay Servando, malayo ang anggulo nga daan nga hiligut-anon ang motibo sa krimen.