Amay, pilason matapos ginbuno sa mata sa Jaro, Iloilo City

ILOILO CITY–Pilas sa mata ang naangkon sang  amay matapos ginbuno sa Brgy. Tabuc Suba, Jaro, Iloilo City.
Ang biktima amo si Armando Cama, 51 anyos, kasado, sang nasambit nga lugar.
Sa interview sang Bombo Radyo kay Armie Joy Cama, bata sang biktima, iya ginpahayag nga naga-istoryahanay sila sang iya amay sa balay sang hinali lang nga may naghaboy sang botelya sa ila balay.
Bangud sini, nagguwa ang iya amay kag ginlantaw kun sin-o ang naghaboy.
Dugang pa ni Amrie Joy, nagpadulong sa ila kasilingan ang iya amay agud nga magpamangkot sang hinali lang nga nagsulod sa compound ang suspetsado nga si alyas “Shakol” kag ginbuno ang iya amay.
Wala lang mahibalu-an suno kay Armie Joy kun ano nga sahi sang patalum nga ginbuno sa iya amay.