Driver sang motorsiklo, pilason matapos mabunggu-an sang kotse sa Mandurriao, Iloilo City

ILOILO CITY–Pilason ang isa ka lalaki nga sakay sa motorsiklo nga may dala nga pie matapos mabungguan sang kotse sa Brgy. Hibao-an Norte, Mandurriao, Iloilo City.
Ang biktima ang ginkilala kay Kenneth Robles, 25 anyos sang Brgy. Trapiche, Oton, Iloilo kag nag-angkon sang pilas sa liog kag tuo nga tiil.
Ang driver naman sang Nissan Almera ang ginkilala kay Kriston Joseph Rapista, 21 anyos sang Savannah Subdivision, Brgy. Pulo-Maestra Vita, Oton, Iloilo nga may pilas sa kamot.
Suno kay PO3 Lee Demandante, traffic investigator sang Mandurriao Police Station, naghalin sa Hibao-an Terminal ang motorsiklo kag ang kotse.
Sang yara na sa Brgy. Ungka, Pavia, Iloilo, hana kuntani nga mag u-turn ang kotse apang wala madiparahan sang driver ang motorsiklo kag iya nabungguan.
Nagupi kilid nga bahin sang kotse kag buka man ang windshield sini.
Yara sa maayo nga kahimtangan ang driver sang motorsiklo samtang wala naman sang pilas ang driver sang kotse.