ILOILO CITY–Nakahanda ang Philippine Coast Guard (PCG) sa posible nga epekto sang paglaslas sa pungsod sang bagyo Rosita.
Sa interview sang Bombo Radyo kay Lt. Commander Ramil Palabrica, tagpamaba sang Coast Guard Western Visayas, iya ginpahayag nga bisan nga nakafull-alert na ang PCG sa Oplan Undas Ligtas Byahe kadungan sang pista minatay, nakafull-alert man sila sa posible nga mangin epekto sang bagyo sa Western Visayas.
Nakahanda naman ang mga passenger assistance center sa pagpakig-angot sa Philippine National Police (PNP), Maritime Industry Authority(MARINA) kag sa PCG Auxillary.
Kun may yara naman sang typhoon signal sa point of origin ukon sa destinasyon, wala na sang byahe agud masiguro naman ang seguridad sang mga pasahero.
Magapabilin naman nga naka full-alert ang PCG tubtub Nobyembre 5.