ILOILO CITY–Ginapatihan napabay-an nga kandila ang gintunaan sang sunog sa Sitio Malipayon, Barangay MH Del Pilar, Jaro, Iloilo City.
Sa interview sang Bombo Radyo kay Fire Chief Insp. Christopher Regencia, City Fire Marshall, iya nginpahayag nga mahimo  ginpalid sang hangin ang kurtina kag nasunog sang makaigo sa nasindihan nga kandila.
Duganga pa ni  Regencia, upos ang balay nanday Rolando Arguelles, Zenaida Ruiz kag ang balay sang nasunog nga si Natividad “Maring” Panonciano.
Ang mga partially damage naman amo ang balay nanday Edita Jeruta kag Milagros Sibag.
Ginabanta P400,000 ang balor sang halit sang sunog samtang nakuha na ang tatlo ka mga bangkay nga nasunog nga ginalakipan nanday Panonciano, 79 anyos kag mga amo nga sanday Ivan Apongol, 11 anyos kag Emman Apongol ,12 anyos.