ILOILO CITY–Patay ang motorista matapos nga nakabunggo ang iya nga ginamaneho nga motorsiklo kag Isuzu Sportivo sa Brgy. Tabucan, Cabatuan, Iloilo.
Ang biktima ang ginkilala nga si Jan Niño Celeste, 22 anyos, sang Brgy. San Nicolas, Calinog, Iloilo samtang ang driver naman sang Isuzu Sportivo amo si Cynthia Tanchuan, 58 anyos sang  Brgy. Tiring, Cabatuan Iloilo.
Suno kay PO2 Jasper Canto, imbestigador sang Cabatuan Municipal Police Station, iya ginpahayag nga naghalin si Celeste sa Calinog kag padulong kuntani sa syudad sang Iloilo.
Ginapahayag nga naglapaw sa pihak nga dalan ang motorsiklo kag nakabunggo sa Isuzu Sportivo pag-abot sa Brgy. Tabucan, Cabatuan, Iloilo.
Gindala pa si Celeste sa ospital apang gindeklarar sang doktor nga dead on arrival.
Ang driver naman sang Isuzu Sportivo nga si Tanchuan ang gindala sa ospital bangud sa highblood pressure.