ILOILO CITY–Wala sang plano si anay Local Water Unitilities Administration (LWUA) Administrator Lorenzo “Larry” Jamora nga magbalik sa pulitika.
Ini matapos nga ginpasakaan siya sang kaso nga graft sa Sandiganbayan may kaangtanan sa procurement process sang water supply contract nga ginpirmahan sang Cagayan De Oro water district kag sang pribado nga kompaniya nga ginapanag-iyahan ni Palawan Governor Jose Alvarez.
Sa interview sang Bombo Radyo kay Jamora, iya ginpahayag nga wala na siya nanibag-o bangud nga sa tagsa nga nagahilapit ang pinili-ay, may nagatuhaw nga kontrobersiya batok sa iya.
Gin-athag ni Jamora nga wala siya sang tuyo nga mag-intra liwat sa pulitika matapos ang iya pagkandidato bilang alkalde sa syudad sang Iloilo sang 2010.
Ginatugyan na lang ni Jamora sa pumuluyo ang pagpili sa nagakadapat nga kandidato kag ginpanugyan nga indi gid magpadala sa kwarta.
No comment naman si Jamora kun sanday sin-o nga kandidato sa syudad ang iya nga pagasuportahan.
Ini bangud nga suno sa iya, lunsay man lang kwalipikado ang mga kandidato.