ILOILO CITY–Wala ginadula sang Sara PNP ang posibilidad nga mahimo magbalos ang pamilya ni anay Sara Mayor Neptali Salcedo matapos ang ginpatigayon nga raid sa ila balay sa diin duha anga patay.
Sa interview sang Bombo Radyo kay Police Senior Inspector Asencion Ortizo, hepe sang Sara Municipal Police Station, iya ginpahayag nga may nabaton siya nga impormasyon nga magabalos ang pamilya Salcedo matapos nga napatay sanday dismissed SPO4 Nerio “Ricky” Salcedo kag Nixon “TJ” Salcedo Jr.
Ginpahayag ni Ortizo nga ginapahayag nga patapuson lang sang pamilya Salcedo ang lubong buwas nga adlaw, bag-o ang pagtimalos batok sa otoridad.
Sa pihak sini, ginpahayag ni Ortizo nga indi pa man validated ang nasambit nga impormasyon apang nagahanda lang ang Sara PNP.