ICPO, wala sang may nabalhag nga major incident may kaangtanan sa tigkalalag

ILOILO CITY–Wala sang major incident sa syudad sang Iloilo nga natabo may kaangtanan sa pagdumdum sang tigkalalag.
Sa interview sang Bombo Radyo kay Police Superintendent Martin Defensor, director sang Iloilo City Police Office (ICPO), iya ginpahayag nga makabig nga maayo ang pagsaulog sang tigkalalag sa syudad sang Iloilo.
Ini bangud nga suno kay Defensor, wala sang  krimen nga natabo may kaangtanan sa tigkalalag.
Ang mga nabalhag lang nga hitabo suno sa ICPO Director amo ang mga traffic accident kag ang sunog sa distrito sang Jaro.
Nagapati si Defensor nga isa sa mga factor kun nga-a nangin matalunsay ang pagdumdum sang tigkalalag subong nga tuig amo ang istrikto nga pagpatuman sang otoridad kag volunteer groups sang mga pagsulundan may kaangtanan sa All Saint’s Day kag All Soul’s Day.