ILOILO CITY–Patay ang construction worker matapos ginluthang sang riding-in-tandem sa Brgy. Taft North, Mandurriao, Iloilo City.
Ang biktima ang ginkilala kay Marvin Vazquez, legal ang edad, pamilyado kag residente sang Brgy. Bakhaw, Mandurriao, Iloilo City.
Si Vasquez ang nalakip sa narco-list ni Presidente Rodrigo Duterte.
Sa interview sang Bombo Radyo sa witness nga nagpahinago lang sang pangalan, iya ginpahayag nga nagapungko sa gutter sang dalan sa Kalye 11 si Vasquez kaupod ang iya mga kaupod sa trabaho sang natabo ang pagpangluthang.
Hinali lang suno sa witness nga nagpangluthang ang riding in tandem nga nakasakay sa motorsiklo.
Wala natalupangdan sang witness ang nawong sang duha ka suspek nga wala sang may ginasuksuk nga bonnet ukon helmet.
Anum ka asud-asud nga lupok ang nabatian sa lugar sa diin nakita man sa crime scene ang anum ka basiyo sang wala pa natumod nga armas-luthang.
Samtang, nag-angkon sang multiple gunshot wounds ang construction worker.
Sa interview sang Bombo Radyo kay Jaymar Palmar, abyan sang biktima nga si Marvin Vasquez, iya ginpahayag nga santo sa iya nakita, may pilas sa ulo, liog kag kilid ang iya abyan.
Samtang, gin ako man ni Palmar nga nagagamit sila sang iya abyan sang illegal nga druga sadto.
Sang sini lang, nag-untat na sila sa paggamit sang illegal nga druga suno kay Palmar.
Ini bangud nga suno sa natungdan, pamilyado na si Vasquez kag ginapahayag nga may yara sang patong sa ulo.
Magluwas nga mag-kaupod sila nga nagagamit sang illegal nga druga sadto, ginpahayag pa gid ni Palmar nga magkaupod sila sa Fraternity.