Construction worker nga ginluthang-patay sang riding-in-tandem, nalakip sa drugs watchlist sang otoridad

ILOILO CITY–Street level pusher ang ginluthang-patay nga construction worker sa Brgy. Taft North, Mandurriao, Iloilo City.
Sa interview sang Bombo Radyo kay Police Chief Inspector Marlon Valencia, hepe sang Mandurriao Police Station, iya ginpahayag nga nalakip sa drug watchlist ang biktima nga si Marvin legal ang edad, pamilyado kag pumuluyo sang Brgy. Bakhaw, Mandurriao, Iloilo City.
Sa pagpaathag ni Valencia, ginakabig nga low class pusher ang classification ni Vasquez.
Ginapahayag nga nalakip sa Prevendido Drug Group ang biktima kag yara sa monitoring sang otoridad suno kay Valencia.
Sa pihak sang pagkalakip sa drugs watchlist, ginpahayag ni Valencia nga wala nagsungka sa Oplan Tokhang si Vasquez.
Samtang, emosyonal naman ang siyam ka tuig nga bata sang nahibalu-an ang gindangatan sang amay nga construction worker.
Sa interview sang Bombo Radyo sa kamagulangan nga bata ni Marvin Vasquez, iya ginpahayag ang ginpahibalo lang siya nga ginluthang-patay ang iya amay.
Ginpahayag dugang sang bata nga bulagay na ang iya iloy kag amay kag yara sila subong naga-istar sa Brgy. Bakhaw, Mandurriao, Iloilo City.
Sa iya nga pagkahibalo, nagatrabaho bilang construction worker ang iya amay.