ILOILO CITY – Patay na sang nasapwan ang 28-anyos nga lalaki sa Barangay Yabon, Janiuay, Iloilo.
Ang biktima ang ginkilala nga si Nicolas Aldaba sang Barangay Barasalon, Janiuay, Iloilo.
Nakita ang biktima sa higad sang suba sa Brgy. Yabon nga may pilas sa ulo kag liog.
Suno kay PO3 Jessie Caro, imbestigador sang Janiuay Municipal Police Station, naglisensiya pa si Aldaba sa iya pamilya nga mag-upod sa pagpamalaye sang iya pakaisa.
May duha na ka person of interest ang Janiuay PNP sa kun sin-o ang nagpatay sa biktima.
