ILOILO CITY–Tatlo ka mga salakyan ang nagkarambola sa diin isa diri ang isa ka ambulansya nga may karga nga pasyente  sa Lemery, Iloilo.
Suno kay PO3 Dandy Gallego, imbestigador sang Lemery Municipal Police Station, naghalin sa Sara District Hospital ang ambulansiya kag padulong kuntani sa Syudad sang Iloilo agud dal-on ang pasyente nga nabungguan sa Brgy. Imbaulan, Lemery, Iloilo.
Santo sa imbestigasyon, nagasunod ang ambulansya sa likod sang Mitsubishi adventure.
Hinali lang nga nagpundo ang Adventure agud hatagan sang ligwa ang nagapadulong nga salakyan sa pihak nga dalan, nagbunggo ang ambulansya sa na likod nga bahin sang pribado nga salakyan.
Ini ang rason kun nga-a nagbunggo pa gid ang Adventure sa naga-park nga salakyan.
Napilasan naman ang mga sakay sang ambulansya nga sanday Rosalia Orpeza, 55 anyos nga nurse sang Sara district hospital, Dureza Balagantio, 43 anyos kag ang pasyente nga si Rofelia Asong, 61-anyos.