ILOILO CITY–Nangin panaad na sang pamilya Noble sang Poblacion Alimodian, Iloilo nga magdonar sang dugo sa Dugong Bombo.
Suno kay Remedios Noble, duha ka semana bag-o ang Dugong Bombo, ginplanuhan na nila sang iya bana nga si Jonathan kag anak nga si Mariejohn nga magkadto sa Dugong Bombo.
Suno sa iya, naandan na nila nga maglagaw sa kada sabado apang nangin espesyal nga lagaw kag family bonding para sa ila ang natabo bangud nagpadulong sila sa lugar sa diin ginapatigayon ang isa ka mapuslanon nga proyekto.
Suno kay Mrs. Noble, ang rason kun nga-a nagdonar sila sang dugo amo nga naagyan man nila nga magkinahanglan sang dugo kag kun ano kabudlay ang mangita sini.
Gindugang pa niya, kanami sa pamatyagan nga nakadonar sang dugo kag nakasugpon sa kabuhi sang iban.