ILOILO CITY–Patay ang mga retirado nga pulis matapos ginluthang sang riding in tandem sa Villa Anita, Iloilo City.
Ang biktima amo si retired SPO2 Ronaldo Alag sang Brgy. Mirasol, Mandurriao, Iloilo City kag anay na-assign sa Regional Personnel Holding and Accounting Unit (RPHAU) sa Police Regional Office (PRO) 6.
Sa interview sang Bombo Radyo sa witness ng si alyas Kik, iya ginpahayag nga gindulugan sang duha ka mga lalaki nga sakay sang motorsiklo ang Nissan Urvan nga ginamaneho ni Alag.
Diri kag ginpaarakan luthang sang isa sa mga suspek ang biktima nga nagapungko sa driver’s seat.
Ang biktima ang nag-angkon sang masobra 10 ka mga igo sa nagkalain-lain nga bahin sang iya lawas.
Samtang, gindeklarar naman ni Dr. Analyn Segundo Jr., attending physician sa Iloilo Doctor’s Hospital nga dead on arrival ang biktima.