ILOILO CITY–Trending sa social media ang video sang pagsinggit ni Brgy. Kagawad Sumakwel Nava sang Libertad, Lapuz, Iloilo City kay City Department of Interior and Local Government (DILG) officer Atty. Ferdinand Panes.
Ini anga natabo kadungan sang ginpatigayon nga Barangay Anti-Drug Abuse Council (BADAC) training.
Ang nasambit nga video ang nagalawig sang 56 seconds sa diin mabati-an ang pagsinggit ni Nava kay Panes sa atubang sang iban nga barangay officials sa syudad.
Mabati-an sa video nga ginasinggitan samtang ginaduro-duro ni Nava si Panes kadungan sang pagpahayag nga dapat tahuron ni Panes ang mga barangay officials.
Gilayon man nga nagpamangkot si Panes sa iban nga  barangay officials kun bala ginpahog sila sang DILG tuhoy sa pagsunod sa BADAC Report.
Wala pa nakuntento si Nava, kag liwat nga ginturasok si Panes samtang nagakumod.