ILOILO CITY–Patay ang tricycle driver matapos ginluthang sang riding-in-tandem sa Brgy. Osmeña, City Proper.
Ang biktima ang ginkilala nga si Nestor Piagola, 33 anyos, sang Dela Rama St. Brgy. Zamora Melliza, City Proper.
Sa interview sang Bombo Radyo kay Christina Dangki, 34 anyos kag live-in partner sang biktima, iya ginpahayag nga bag-o lang siya gindul-ong sang iya bana sa ila balay halin sa pagpangompra sang ila kinahanglanon.
Ginpahibalo lang siya sang isa man ka tricycle driver nga nagahamyangon na ang iya bana sa tunga sang dalan kag dugu-on.
Santo sa mga nakakita sa mga witness, lima ka asud-asud nga lupok ang nabati-an sa crime scene.
Ginapahayag nga sa ulo ang igo sang biktima sa diin duha ka mga wala makilala nga suspek nga sakay sa motorsiklo ang nagluthang sa biktima.
Nakita sa lugar ang apat ka mga basiyo sang 45 caliber pistol.
Ginpanginwala man niya nga isa ka drug personality si Piagola.
Mas nagalain pa gid ang iya buot bangud nga sa iya mismo kaadlawan ginpatay ang ka live-in partner.
Santo sa mga otoridad, isa ka tokhang surrenderee ang biktima.