ILOILO CITY–Naka full alert ang Police Regional Office (PRO-6) ilabi na sa adlaw sang Paskwa.
Sa interview sang Bombo Radyo kay PRO 6 Director C/Supt. John Bulalacao, iya ginpahayag nga sa adlaw sang paskwa may yara sang deployment ang mga pulis sa tagsa ka simbahan sa Western Visayas.
Suno kay Bulalacao, ginalauman niya nga madamo sang tawo ang magadagsa sa mga establisyemento agud mamalaklon sang kinahanglanon ukon mga regalo sa diin nakapahamtang na sa subong ang mga police assistance desk agud masiuro ang seguridad sang kadam-an.
Nagpahanumdom naman si Bulalacao sang tagsa ka police station nga mangin alerto sa mahimo himuon sang mga kawatan sa mga establisyemento  ilabi na sa mga banko.