ILOILO CITY–Nag-umpisa na ang pagbaligya sang palupok sa mga designated area sa syudad sang Iloilo  kahapon nga adlaw, Disyembre 19, kag magalawig tubtub Disyembre 31.
Ini matapos nga nagpagguwa na sang mandu si Iloilo City Mayor Jose Espinosa III nga nagapahanugot na sa mga vendor nga makabaligya sang palupok.
Sa interview sang Bombo Radyo kay Jeck Cunlo, pinuno sang Public Safety and Transportation Management Office (PSTMO), iya ginpahayag nga mahimo lamang nga makabaligya sang palupok sa gintalana nga petsa kag sa gintalana nga lugar.
Lakip sa mga designated areas amo ang Acropolis Iloilo sa Villa, Arevalo, Buhang, Jaro malapit sa Uhong-Uhong kag sa Muelle looney, City Proper malapit sa bag-o nga Iloilo Freedom Grandstand.
Panugyan ni Cunlo sa tanan nga vendor, dapat nga magkuha anay sang mga permit gikan sa Bureau of Fire Protection (BFP), Philippine National Police (PNP) kag sa Iloilo City Government.
Nagakadapat man suno sa PSTMO head nga sundon sang tanan ang mga pagsulundan agud nga malikawan ang disgrasya nga dala sang pagbaligya sang pulupok.