ILOILO CITY–Napasaka na sang Philippine Drug Enforcement Agency (PDEA) ang kaso batok sa apat ka katapo sang pamilya Regalado nga nadakpan sa raid sa Brgy. Sambag, Jaro, Iloilo City.
Sa interview sang Bombo Radyo kay  PDEA Region 6 spokesperson David Garcia, iya ginpahayag nga sang nagligad nga lunes, ila na nga napasaka ang kaso sa Iloilo Prosecutor’s Office.
Ang Prosecutor’s Office naman ang magapasaka sang reklamo sa Korte Suprema sa diin ang hukom na mismo ang makatumod kun may probable cause ang kaso.
Sa tion nga mapamatud-an nga may yara sang probable cause, magapaguwa na sang warrant of arrest ang Korte Suprema batok kanday Nelda, Arnolfo, Leo kag Cyril Regalado.
Daku nga pagpanghangkat naman para sa PDEA suno kay Garcia kun makapalagyo pa ang apat ka mga natungdan.