ILOILO CITY–Nagpungko na bilang OIC Regional Director sang Philippine Drug Enforcement Agency (PDEA) 6 si Investigator Agent 5 Alex Tablate.
Ini matapos nga ginrelieve sa pwesto kag temporaryo nga gin-assign sa PDEA Headquarters si anay Regional Director Emmerson Margate.
Sa interview sang Bombo Radyo kay Tablate, iya ginpahayag nga sa iya una nga adlaw nga pagserbe bilang Regional
Director, masako siya sa ginatawag nga “familiarization” sa mga personnel kag on going nga operation sang ahensya.
Bilang bag-o nga Regional Director suno kay Tablate, katungdanan niya nga mahitso ang tanan nga problema sang PDEA.
Sa subong suno sa iya, wala pa sang may nagbulos sa pwesto sang walo ka PDEA agent nga nagserbe sang search warrant sa balay sang pamilya Regalado sa Brgy. Sambag, Jaro, Iloilo City.