ILOILO CITY–Ginrelieve sa pwesto ang tanan nga pulis sa Guimbal Municipal Police Station sa Guimbal, Iloilo.
Ini ang ginkumpirma ni Police Senior Supt. Marlon Tayaba, director sang Iloilo Police Provincial Office (IPPO).
Santo sa impormasyon ni Tayaba, ang relieve order ang may kaangtanan sa pagsakit ni Iloilo 1st district Cong. Richard Garin kay PO3 Federico Macaya Jr., 41 anyos sang Zone 4, Brgy. Sambag, Jaro Iloilo City kag naassign sa nasambit nga police station.
Bag-o pa man natabo ang pagpanakit ni Garin, may yara sang ginapatigayon nga “Disyembre sa Guimbal” sang nakaligad nga Disyembre 22 sa diin may yara sang natabo nga inaway sa tunga sang ginapahayag SK Kagawad kag isa ka persona sa diin ang isa sa ila ang ginapahayag nga naghalin sa kilala nga pamilya.
Makaligad ang pila ka adlaw, wala sang may ginpasaka nga kaso ang Guimbal PNP kag kaina sang kaagahon, nagapatrolya sa banwa sanday PO3 Macaya sang nakabaton siya sang mandu gikan sa hepe nga si Police Senior Inspector Antonio Monreal nga magbalik sa police station.
Sang yara na siya sa police station, nag-abot si Cong. Garin kag ginapahayag nga may dala nga .45 caliber pistol kag ginmandu-an ang hepe nga disarmahan si Macaya.
Sang nadis-armahan na si Macaya, didto na kag ginsakit ni Cong. Garin ang police officer.
Ginkaakig ni Garin bangud nga wala sang maya ginpasakaan nga kaso ang Guimbal PNP sa diin santo naman sa pagpaathag sang otoridad, indi naman interesado ang magtimbang nga bahin nga maglab-ot pa sa kasuhay ang natabo nga inaway.
Magluwas sa Guimbal PNP, may duha man ka opisyal sang IPPO anga ginpangrelieve sa pwesto santo sa mandu ni Deputy Regional Director for Operations Police Senior Supt. Remus Zacharias Canieso.
Padayon pa nga gina-usisa sang PNP ang tuhoy sa insidente.
Sa ngalan sang patas nga pagwaragwag, gintunguhaan sang Bombo Radyo nga makuha ang bahin nanday Cong. Garin kag PO3 Macaya.