ILOILO CITY–Makaluluoy ang sitwasyon ni PO3 Federico Macaya Jr, imbestigador sang Guimbal Municipal Police Station matapos nga ginposasan, gin-dis armahan, ginsiko , gintindakan,ginsumbag, ginduplaan sa nawong kag gintutukan sang armas luthang sang mag amay nga Garin.
Ini ang paglaragway ni National Police Commision (NAPOLCOM) Region 6 director Atty Joseph Celis sang iya personal nga maistorya si PO3 Macaya.
Suno kay Celis gin ako sa iya ni PO3 Macaya nga nag low morale ini sa ginhimo sang mag amay nga Garin sa diin daw kaangay sang sapat ang pagtrato sa iya.
Nagreklamo man si PO3 Macaya suno kay Celis nga indi ini makaginhawa sang maayo mtapos ginsipa ang iya gusok sang 3 ka beses kag nagapalamanog man ang nawong sini.